من عز نفسه لو مشى القيظ حافي _ _ لازم يجيله مع هل المرجله كار

يا بنت يـا بنـت الشـرف والعفافـي
ياللي عليك من الحيا ستـر وأسـوار
ان كانهـا ل. الــود ودي سنـافـي
والا يبـا الله فضلـي قعـدة الــدار
الله ولا حـب(ن) يـجـي بالتجـافـي
حـده جديـد ولا أندثـر مالـه أثـار
كم عشرة(ن) تسفى عليهـا السوافـي
تذبل مثل ما تذبـل أزهـار الأشجـار
نـاس(ن) مرافقهـم سـلام وعوافـي
وناس(ن) مرافقهم عواصيف وغبـار
مـا يثبـت الميـزان غيـر متكافـي
وإذا طغـت كفـة علـى كفـة انهـار
الحـق صابـون القلـوب النضـافـي
والعدل يرض الناس لا صار ما صـار
العـدل يبقـى مـا عليـه اختـلافـي
والظلم كـل(ن) ينكـره حـق الانكـار
كـم واحـد يفـرح نهـار ألزفـافـي
وباقـي حياتـه تشبـه النـار والغـار
وكم واحـد عـاش السنيـن العجافـي
وبعد زواجه عاش بـا فـراح وأنـوار
يابنت مـا شـي(ن) علـى الله خافـي
ترى الحياء يابنت صنـدوق الإسـرار
كـم واحـد(ن) مـا ينتبـه للقوافـي
دائم حياته كلهـا أعـذار فـي أعـذار
وكم واحد(ن) لو عاش عيشـة كفافـي
يبقى طويـل ذراع لـو الزمـن جـار
وكم واحد(ن) لو عاش في جو صافـي
بينه وبيـن المرجلـة شبـك وجـدار
ما ينبت الريحان بـأرض(ن) جفافـي
ولا فيه طيب الا بعـد جهـد وإصـرار
العمـر يبـلـى والليـالـي مقـافـي
والطيـب هـو الطيـب والوقـت دوار
الطيب مـا هـو بـس قطـع الفيافـي
والا التعـرض للمشاكـل والأخـطـار
من عز نفسه لو مشى القيـظ حافـي
لازم يجيله مـع هـل المرجلـة كـار
أهم شـئ مـن عـاش حـر متعافـي
والله بيـده الـرزق وأجـال الأعمـار
يا بنت شبـت وشيّـب الوقـت قافـي
حاولت أوضح قـدر الإمكـان الأفكـار
لكـن ربـي خيـر كافـي وشـافـي
مـا كـل علـة تنتـداوى بالأشـعـار
يـا الله يـا عالـم جميـع الخـوافـي
يا سائق الماء في السماء سحب وأمطار
تضفي على كل البشـر ستـر ضافـي
وتجنب المسلـم صواديـف الأشـرار
وتجعل لنا مـن كـل الأخطـار كافـي
يا خالـق الجنـة ويـا خالـق النـار

تقبلوووو تحياتي / رحـــال الـبـــقـــوم