يالله عفوك يابديع السموات ....

يالله عفـوك يابديـع السـمـاوات
ياعالـم بالغيـب شـره وخـيـره
أنا على رجواك في كـل الاوقـات
وانت الذي كـل المـلأ تستجيـره
تستر على الاحياء وتغفر للامـوات
وتعيننا بالصبر فـي كـل سيـره
وياسعود دورات الليالي سريعـات
ولاكلها ياسعـود ستـر وستيـره
لوكان مـرت بالفـرح والمسـرات
دنيا الفنا مثل الرحـا المستديـره
ودورة صباح السبت لاشك بالـذات
هزت قلوب الناس في كـل ديـره
ولبسو ثياب الحزن حتى القنـوات
على الفقيد اللـي وفاتـه كسيـره
حزنن بياخذ له سنينـن طويـلات
وكسرن بيبطي مالقي لـه جبيـره
من بعد ابن منصور رجل المهمات
اللـي مواقيفـه تصـد المغـيـره
نقيصته ماهي ب علـى الرياحـات
عمت على سكان شبـه الجزيـره
معروف مايحتاج تعريـف واثبـات
ساس الرجال متيهيـن القصيـره
واصفه شبيهن للجبـال المنيفـات
واسمه سمين للسيـوف الشطيـره
ومن طيب عرفه في جميع المجالات
تلقى سلاطيـن العـرب تستشيـره
لاشك وصفتـه وصوفـن دقيقـات
ولاضنتي يوجد بذ الوصف غيـره
عساه في جنات عـدن الرفيعـات
بعد رحل عن موطنـه والعشيـره
وفيصل ترى حقه علينا بعد مـات
نرجي له الغفران جهـر وسريـره
حيث ان معاريفه علينـا كثيـرات
ومن ينكر المعروف مافيـه غيـره
وتمت بذكـرالله بديـع السمـاوات
وصلوعلى المبعوث جهر وسريـره





قصيدة الشاعر /حصين بن عبيد السمي البقمي في فقيد البقوم الشاعر فيصل الرياحي ((رحمه الله))